اذا منّي طفشت وقلت اهاجـر
واسلّي النفس عن دنيا صعيبه
قصرتي عنوتي يا بنت هاجـر
عطيتيني الفرح لحظه كئيبـه
اعدتي لي الامل طيرٍ مهاجـر
يهاجر في عيونـك يالحبيبـه
يشوف الدمع في وسط المحاجر
ويدري الروح من روحه قريبه
يا اغلا من لبس اغلا البناجـر
يا اجمل حلم عيني تهتني بـه
كتبتي اسمك بطعنات الخناجـر
بقلبٍ من فراقـك بـان عيبـه
يحبك صدق ماهو حب تاجـر
ويشكي الصد نبضات نحيبـه
يحس الكون من بعدك دياجـر
ظـلامٍ فـي متاهـاتٍ رهيبـه
تركتيني اصارع وقـت فاجـر
يبيني انساك ما يدري صعيبـه
يقول الحب في كـل المتاجـر
تبيع وتشتري اجمـل حبيبـه
بلا هـم وضميـرٍ دوم زاجـر
فحبٍ راح لا تركـض طليبـه
وانا والوقت دايم في تشاجـر
ومهما قال انا مانـي صحيبـه
احبك وانتظر طيـفٍ مهاجـر
يونس وحشتي من بعد غيبـه
خرجت من قلب صادق فوصلت القلب بيسر
لله درك يابو عبدالله صح الله لسانك
وجاد بنانك .. الله لايحرمنا هالصوت وراعية
قاف راااائع يجر العبره على الاجر