مريت في ليله على ناس يبكون=قلت اشبكم قالوا من اهل المكلا
جينا وابونا شيخ والفقر ملعون =ماعندنا في البيت حتى بزلا
واهل البلد قاموا علينا يصيحون=والي قريب اليوم عنا تخلا
من بينهم ناظرت لي لحظ مزيون=قزيتها والوجه بدرٌ تجلا
قالت وش انت وقلت مفتون بالنون=قالت خطر لاتقرب الحسن كلا
حنا عرب وان كنت شاعر ومجنون=فاطلب يدي وافرش لي الارض زلا
قلت الشروط وقالت المهر مليون=واهلي تسكنهم جواري بفلا
قلت الخلاء ماني بولد ابن شيهون=قالت اجل وش فيك قدمت فُلا
قلت احسبك يابنت من ناس يرضون=واثر الطمع في قلبك اليوم حلا
قالت اجل ماعند جدك تريليون=والله ان عيشتكم تعاف وتخلا
كنتم من اول نوزة الي يحلون = والحين تبتلون بالعيش خلا
زمان يوم البدو كانو يشدون = كان الكرم والجود فيكم محلا
واليوم ماخلى لكم شي قارون = عقب الشبح ماتركب الا كورلا
قلت اصبري يابنت وش فيك بالهون=وتحولت قدام عيني غوريلا
واصبحت افكر وشب الاحلام يلفون=ليله بصور وليلةٍ بالمكلا