غيب واتجاهل غيرتي واشتياقي=عاند وكابر واقطع الودّ بفراق
دربي خضر مايكسر الهم ساقي=دام الحقيقة في وطن ليلك أشراق
أقطع حبال الشك واطلق وثاقي=في منعطف حبك وهمسات الأعناق
خل المماطل لاتزيد احتراقي=مليت بك ذكري شكت نار الأشواق
ليتك معي تحفظ عهود الوفاقي=لاذاب حرفك بين طيات الأوراق
ياما نزفتك والجفا مايطاقي=لاصارت اطعونك للهموم احداق
جيتك أحرر من هواك أنعتاقي=مادام قلبي من قسا عشرتك ضاق
جيتك وأنا من غبن الأيام شاقي=لافاض كاس الحب جرح ٍ وترياق
جيتك وقلبي من عناك أستفاقي=ودي أضمك وأحبسك وسط الأعماق
جيتك أوسع في عيونك نطاقي=في داخلي وحشه وفي عيني أغراق
ماودي أرحل والأمل فيك باقي=يرسم على شطك للأحلام ميثاق
مدّ الوصل وأنثر حنين التلاقي=ماتت مشاعر خافقي ضيم وأرهاق
وأن كان ودك من عنادك فراقي=أرحل ولاتبني على كذبك آفاق