[ماجد الزيد]

المشاركة الأصلية كتبت بواسطة الطائر المهاجر;[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"

اشهد إنّ المره بالنقص عقلٍ ودين = وضلعٍ اعوج ترفق كود لاتكسره
قاله اللي بعثه الله للعالمين = ما هو ايّة كلامٍ بالشعر انثره
بعضهن مثل مهره لا لقت من يعين= درةٍ ما تثمّن كلها مفخره
لو بنيّه تلاقيها بفكرٍ رزين = ولو عجوزٍ تشوف العقل ما اكبره
والبعض بالعواجه مابها من ملين= راس يابس عنيده زوجها ما اصبره
ولو بدا لك حكيمه ما بها ما يشين = واعجبتك الفعايل فالغلط احذره
عقرب الرمل تلسع من شمال ويمين= لا لقت فيك ضعف كنها عنتره
ولو تروكع وتقرا بالفجر سورتين = دينها ما حكمها تترك البربره
تشذب الرجل لو هو كالجنيه الثمين= صار مثل النحاس وزادته صنفره
وجابت اللي تراكم من قديم السنين= وباعته بالرخيص ولا بغت سمسره
ولا درى الرجل عنها وقال ماتستحين= قالت آسف بعذرٍ باردٍ ما افتره
او تهاوش وتنكر مقسمه باليمين = صوتها والمصارخ كل جار شعره
وتزعم انك ظلوم ولو تجيب اليقين= انزوت عنك تبكي والدمع ماايسره
فالرجل لو تسامح مره ومرتين = ولو تحمل تحول ذيب ما اجسره
تخسره في ثواني ما يفيد الونين = لو عجوز قلعها مثل قلع شجره
والبعض عقل في ثقل وطيعٍ حسين = لا لقت من يبربر قالت المعذره
فمن حكى لك حكى بك لو من الأقربين= ومن كشف ستر بيته كاشفٍ لظهره
وكل سرٍ تعدى اثنين لازم يبين= ينتشر ثم ينتج كسر ما تجبره
تخسر اسهم حياتك كنك الخاسرين = في تداول بعدما ما صارت المجزره
القناعه مناعه درعك اللي حصين = سدّ باب الطمع بالياس لا تدفره[/poem]

صح الله لسانك وجاد بنانك يالطائر عز الله انك صرح والشهادة فيك مجروحة