قمـر او نور خدك يا حبيبي = يطالعني مثل شخصٍ غريبي
واطـالع فيه خـايف لا يغيبي= دخيـل الله من نظرة عيونه
ورود الحب بالغصن الرطيبي= تـورّدني المهالك ما تخيبي
بثغـرٍ كنّه البـارق قـريبي= الا يـالله تسقينـي مزونـه
اخايلها وانا ارجيهـا تصيبي= بهتّـانٍ من الحبّ العريبي
يطفّـي لاهب القلب الصويبي= ربيع الحب ينبت من هتونه
اطالعهـا وتطـالعني تبسـّم = وفي نظراتهـا للجرح بلسم
ابحكـي لكن السـاني تلعثم = تسمّر ناظري في وسط نونه
بدت بالهمس راح الفكر يحلم = جسم معها وقلب الطير لزّم
على مشوار حب الظبي عزّم = وناداها عسى تفهم شجونه
خذيني طير لـو بالجـو نجّم = يبي يكسر جناحه لـو تألم
علـى شـانك تضمينه وينعم = ببعض الحب في صدرالحنونه
سرقني الليل واثري رحت غافي= اذان الفجر قال النوم كافي
صحيت ورحت اطـالع بلتهافي= حبيبي اختفى مدري بكونه
بديت اركض ورغم الشوك حافي= ادوّر من بهرني بالعفافي
اخـذ قلبي ووعـدني بالـزفافي= وخلا الطير يركض في جنونه
لقيت الحب تشكي للضفــافي = يغازلها النهر هرجه سفافي
اخذها كنه العـــاشق سنافي = وبلا استحيا يعجبها مجونه
صرخت وقلت ياحبي تعالي= حرام اللي يصير بكل حالي
بدت تضحك وقالت لا..حلالي= بشرع النهر واللي يسبحونه
تـوّدر يافتى ما بي الرجالي = ابي بحر ونهر والقى الدلالي
واعيش بعـز لا فقـر متوالي= مثل وضعك تدور للمعونه
نظرت لها وقلت اللي جرى لي= بسبب حبّك انا ضيعت حالي
ولكن يستمر الحب غـالي = تبيعينه وانا عهــدي ما اخونه