[بارقةأمل]

المشاركة الأصلية كتبت بواسطة الطائر المهاجر

ماعاد باقي إلا هي ، وين يودي وجهه من امه وابوه وربعه
لا بعد قولي وتروح عنه حرمته للشغل ، او يروح عنها لمدرسة البنات
شوفي الله يطول لي في عمرك ، اللي خلقنا ابخص ، وقرر اعمال للمرأة
وقرر أعمال للرجال ... "وقرن في بيوتكن" ، ومادامكن ماعاد تقومن بأشغالكن المكلفات بها
شرعا ، وبكل بساطه كل واحده عندها شغالة ووصيفه ، وهذا فيه اخلال بعقد الزوجيه ،فمن حق الرجل
ان يبحث عمن تقوم بأعمالها :
وينك يايمه تنظرين الذي جرى = استرجلن بعدك بنات الحمايل

هلا بأبو عبدالله تسني بك ترد وأنت قاعد تغسل المواعين وبلش في القدر ماعرفت تغسله ههههههه
مافيها شي بالنسبة لي أنا ما أحب أحد يقوم بعملي مادام عندي وقت بس أهم شي ما أطلع من المطبخ وألاقيهم قالبين الدنيابرىوبالنسبة لأبوي يومي صغيرة وهي يساعد أمي رحمة الله عليها في صف السفرة إذا عندهم عشاء رجال يشيل الأكل إذا خلص من الأكل
يهتم بالمزرعة (حديقة البيت)
وأخواني مثل وممكن أكون حاطة رجل على رجل وأخوي يروح يكبس لنا كبسة مكرونة أو رز أو يصلح لنا
ذيك القرصان اللي تاكل أصابعك وراها ويصلح القهوة على طريقه ويجيبها لي بالصالة لين يخلص العشاء
بس الله لايوريكم المطبخ عقبه كيف شكله
وكل واحد يغسل ثيابه بنفسه وإذا إحتاج يكوي يكوي وينظف غرفته بنفسه مع إنه فيه خدامة بالبيت
لأنو وجودها لا يعني إننا خلاص ما نتحرك أبد
عموماً في البيت إحنا متعودين على العمل مع بعض والتعاون يعني أخواني إلى الآن وهم خريجين جامعة مازالوا كل واحد يشل صحنه من سفرة الأكل ويوديهللمطبخ ويرجع يشل باقي الصحون إذا فيه باقي أشياء
مايقول لا تجي ميري تشيله