مســاء / صبــاح ، الخيــر لكل من تواجد بصفحتي
أهلا وسهلا
ابيات بسيطه لعلها تنال القليل من اعجابكم .
ياعاذلي مبروك والفين مبروك=نـلٌـت المراد وضاع شمل المحبين
من سبتك باب الغلا صار مصكوك=وبفضل هرجك هلت دموعي العين
مقصدك واضح لغز سهل ومفكوك=أنته مرادك ما يبي زود تبيين
مقصدك تزرع درب الاحباب با الشوك=مقصدك تطعن قلب عاشق بسكين
مقصدك كـره وحقد وفراق وشكوك=مضمون فعلـك واضـح با العناوين
أشره على الأحباب وشلون طاعوك=من غير ما تثبت بحق وبراهين
ياصاحبي ! وشلون عذال غروك !=وأنته تعرف اللي بقلبي من سنين
شكـكت فيني يوم با القول وزوك=ومشيت معهم دون تسأل على وين
أكبـر غلط تسمع لقوم يعادوك=وأكبر قهر هجرك لناسٍ محبين
دنياك تكشف وين الانذال ودوك=لا بان خافي حقدهم لو بعد حين
وقته تعرف ، أشجارهم مالها شروك=لا طآح غصن الذل ما يستره طيـن
تحيتي لكل من عطر صفحتي المتواضعه بمروره