سـقـى ربـي لـيـال الـعـيـد مـن غـيـث السماء هـملول=بـها شـفـت الغـلا سـاعه سرقـته بالخفى سـرقا
وصارت هـي كرم خـلي قـبل يــبخـل بهـا الـمـجـمـول=قـبل يرحـل ويـتـرك لـي رماحـن نـارهـا زرقـا
الا لاعــدت يـايـومــن فـــقــدنـا بـك ظـــريـف الـزول=رحـل عـن خـافـقـــن دلا يـــلـوعـه لايـع الـفـرقـا
رمـاني في طـريق الهـجـر دربـن دايـمـن مـجــهــول=ومـوجـن مـن دخل قـبـلي غـدو في ظـلـمته غرقا
نـهـاري مـشـغـلـن روحـي بـقـافـن بالـعـتـب مـسلول=ولـيـلي ساهـرن جـفـنـي اجـاوب نـايح الـورقا
الا يـاعـزوتـي جـرحـك بـقـلـبـي صار هـول الـهـول=غـدى يكـوي مـعـاليـق الضمير ويــطـــرقه طـرقا
الا لـيـت الحـشـى سـالـي مـثـل ربعي على الـمحـمول=او اني مع شيوخ الطـيب واهـل الجـود من بـرقا
اجـاذبـهـم جـزيـل الـقـاف واطـرب مـع لـذيـذ الـقـول=ولاذقـــت الـغرام الـلـي حـرقـنـي لاهـــبـه حـرقا
سـلام الله عـلـى ريـمـن رمـانـي رمـشـه الـمـكـحـول=جـبـر قـلـبـي على ظـلـعن عــسيرالدرب والمـرقا
وكـل الـشـكـر يـوم انـه تـركـنـي طـايـحـن مـشـلـول=وفـوقـه في مـسامـيـره على وسط الحشاء عـرقا
وسـلام الله عـلى قـلـبـن لـعـب بـه ضافـي الـمجـدول=خـطـاي انـي هـويـت اللي درقـني بالـهـوى درقا
وداعـة خـير يـاقـصـرن هـقـيـتـه حـلـمـي الـمـامـول=وقـع وقـعـة زعـيـمـن حاز غرب الـكـــون والشرقا