اهل الهوى تاهوا وما حصلوا شي= والقلب لاهل الصد ماعاد به شوق
ياغصن من شاهدك جاه ارتباشي = بين الغروس اناظره فوق ممشوق
حلفت لوني طايحٌ في فراشي = ماشكي غرامي منك ياضبي موشوق
ماضقت لو قفيت يانبع راشي = يروي العطش ويمن لا جاه معشوق
وش فايدتنا لو يطول النقاشي= مالي بزرعٍ في ثرى الحقد مرشوق
مثل الجبل وان زلوا اهل الحواشي= ياحسرة المبهور ابو فكر مفشوق
الي من الفرحه يجيه ارتعاشي= كنه يتيم وخافقه صار مخشوق
لاشك يتعب لو يزيد التباشي = والنبع ذا يسقيه ليصير منشوق
ماهمني كيد العواذل وواشي = قلبي على كيفي ولو جاه راشوق
عاداتي اصبر وان قسى الوقت ماشي= والبحر ماينقص بمنقار شقشوق