[كريمة محمد]

اذا من الشعر عند البعض هو ناتج احساسه
فانا عندي الشعر هو ناتج احساس البشر كله
اجسد فيه حس اللي يعاني والزمـن حاسـه
واترجم فيه مالا يقدره غيـري مـن الملـه
لأني جامع الثنتين مـن خبـرات ودراسـه
معاناة الزمان وعلم في الأنفس علـى حلـه
ثمان سنين من عمري بدرس ياقوي باسـه
وعشرينٍ تلتها في العمل حتى انتـج الغلـه
اغيص بداخل الإنسان شان ادري عن اتعاسه
واناظر مـن عيونـه مايـراه بدقـه وجلـه
واسطر ما يظن البعض بوح الطير واوجاسه
وانا بوحي بصندوقٍ ولا احـدٍ قـادر يدلـه
فمن يشكي لغير الله تعرّى وكشـف لباسـه
لقى فيه العرب مدخل ضعيـف وزادوا العلـه
ولأن الشعر دون الحب رصيده دوم بافلاسـه
بوقتٍ غيّر المفهوم صار الحـب رمـزٍ لـه
اوفي الكيل في شعر العواطف واجلب لناسـه
ووجه فيه مـن يخـدع بحـبٍ زايـلٍ ظلـه
كذا شعري لمن لا يفتهـم قفلـه وترباسـه
اظهّر ما يفيد الغيـر واكتـم فوحـة الدلّـه

صراحة انا كنت سوف اخد بيتين للاقتباس من القصيدة
ولكنى عند قرائتها ما عرفت افرق لان كلها وربى رااائعة
ولا يسعنى الان الا ان اقول لكبيرنا
تسلم لنا اناملك يالغالى
ودمت لقرائك
اختك وتلميذتك
كريمة