[منيع احمد القرني]

ياسعد يابن سعيدالفور شنل خير الركوبه= لي ركبته كنك الطيار قاعد في كبينه
وارد الالفين والسبعه على غيره عقوبه= وين راعي الفكس آر وين راعي الجمس وينه
المواتر لي مشى في الخط ما هي بمحسوبه= له زبون لو يكون بخيل يبسط له يدينه
ما يهمه من حرارة شمس ولا من رطوبه =يصمد البودي وترسي للمهمات المكينه
ما تشوف الا الرمال الي تطاير من هبوبه = راعي الرادار ما يكشفه مهما حد عينه
سايقه لامن كشخ للناس في بشته وثوبه = ما يخيب ظنه وجمله للي شايفينه
كمبيالاته من اول ما بدا الصنع مكتوبه =وانت واحد من مية مليون كانوا طالبينه