قالو علامك قلت مانى بصاحي= الضغط عالى والجسم فاتر الحيل
وقلبي مريض من العنا ماستراحى= يضرب وضرباته طفح فوقها الكيل
مانام ليلى ولا حصلى مراحى= متعومسن والبال فيه التهاويل
اسرح مع التفكير ليل وصباحى= مدري متى صبحى ومدري متى الليل
كله سبايب من سعى فى جراحى= ابو العيون الناعسات المضاليل
قضيت ليلى من سببه ابنياحى= عقب الغلا والود ورانى الويل
لولااه ماوالله على الناس باحى= سري ولا بينت بعض التفاصيل
لاكن رمانى فى بعيد المشاحى= يالله عسا دنيا الحّبيب تساهيل
لاصار ماوده بزود انشراحى= ويش حيلتى ماعاد عندى تحاليل
يروح فى دربه ظبي البراحى= وانا لى الله دام حملنى الشيل