[نجم الإبداع]

يبن آدم تحر الصدق في كل الامور=واحذر يوم ماينجدك به غير العمل
ماينفعك مالك والولد وقت النشور= كلٌ عنك يبن آدم بنفسه منشغل
لاتنقل كلام اللغو من مجلاس زور=ماكل الذي تسمع صحيح من الخلل
بعض الناس يبني قصته بين الحضور=من راسه يجيب الهرج يشبه للعسل
يتفوه بما في البال يبنيها قصور = لاجل المستمع يعجب ولا همه زلل
يكذب في الخبر والكذب يهدي للفجور=متعود على التزوير ماعنده خجل
لو فكر بمقعد صدق ماطاع الغرور = كم كلمه هوت باصحابها بين العلل
خلك صادق ان الصدق للمخلوق نور=واعرض عن جليس السؤ واصحاب الدجل
اهل الصدق عند الله في جنات حور = حورٍ عين يحلى في كماهن الغزل
غض الصوت واقصد مشيتك كيلا تحور=واخفض من جناحك قبل ياجيك الأجل
وارض الوالدين ولا تلف ولا تدور=واصفح واحتسب اجرك وسامح من جهل
صل الخمس في المسجد على صدق الشعور=وتعوذ من الشيطان ساعات الكسل
واقضب ورد في المصحف وخلك في طهور=تسعد بالتلاوه يوم غيرك في جدل
هذا العز يبن آدم على طول الدهور = يابخت الذي ثابر ولا صابه كلل
اتبع سنة احمد يامدور للسرور = تنجى من عذاب الله في يومٍ جلل