ياشيخ خاف الله هذيك خفقه=وش لك من العشاق واهل المتاهات
ياخوي انا خابرك مافيك خقه= دايم تناظر للعلوم الرفيعات
لاتنزل الشارع وخلك بشقه = وان جوك فاضربهم وتبشر بفزعات
نوقف معك ونقول ناوين سرقه = ونقول ذا مضلوم وابلوه بالذات
اما في الشارع فلو جاك شرقه= ماحد بيفزع لك بمويه ولفات
والله لتغدي مثل من ضاع حقه = والناس بتقول ان ذولي عفيفات
خذها نصيحه لاتقول انت صفقه= والله اني ابغي الخير لك والمسرات