موضوع مهم من وجهة نظري ولو أني لسا طالبه بالجامعه ولاعندي خلفيه كبيره عن الموضوع
لكن اللي أشوفه أن الوالد الله يطول بعمره مايسأل أمي عن راتبها ولايقول لها
وينه ولاأصرفي منه ولاسددي فواتير ولاشي لوتقطه بالشارع ماسألها ليش؟
لأن مسؤولية البيت على الرجل المرأه مو ملزومه تصرف على البيت إذا صرفت من
طيب خاطر وبدون ضغط عليها فخير وبركه لكن الزوج ماله حق يجي ويطلب منها فلوس ولاتصرف
على شيء...................
حلو أن يكون هناك تعاون بين الزوج والزوجه في الحياه ولكن بدون التعدي على حقوق الغير
والزوج إذا أخذ راتب زوجته بدون رضاها يعتبر تعدي على حقوقها وكيف رح يبارك ربي براتبها
وهي مو راضيه أنه يأخذه أكيد مارح تكون في الفلوس بركه......
الزوجه المفروض ماتتهون بالشيء ألا ماتوصل لمرحله متأزمه ومشاكل مالها أول من تالي
يعني من البدايه تحاول ماتمكنه من راتبها وإذا شافت أنه تزوجها علشان راتبها ولابدأ
يتشكى من مديره وبدأ مايذهب للعمل المفروض عليها تحاول تجلس معه ويتناقشون في
الموضوع وإذا شافت مافي فائده أو مبرراته ماكنت مقنعه تدخل أحد من أهلها او أهله
لحل المشكله قبل ماتكبر.................
الزوج يأخذ الراتب يمكن شيء سمعناه كثير بس المصيبه إذا كان الأهل يأخذون الراتب
هذه قصه زميله لأمي في العمل البنت مسكينه قبل ماتتزوج كانوا أهلها يأخذون راتبها كله
غصب عنها ويعطونها كل شهر مائه ريال بحجه أنهم بيصرفون على البيت على مدارس أخوانها
وإيجار البيت يعني مائه ريال بالله أيش رح تسوي لها شهرياً بتسدد جوالها ولابتجيب لها أغراض
خاصه من ملابس الى أدوات تجميل ولابتجيب أغراضها التي تحتاجها كمدرسه من دفتر تحضير
الى وسائل علميه الى.....................الخ
البنت مسكينه مغلوبه على أمرها ومو قادره تواجه أهلها...............في يوم من الأيام جى شخص
لخطبتها طبعاً هي بدون تفكير وافقت عليه وكل همها تبي تطلع من بيت أهلها تمت الخطوبه
والملكه وجى الشاب بالمهر وأعطاه والده البنت لم طلع الشاب من عندهم رح أبوها لها وعطاها
مبلغ بسيط جداً من المهر والباقي أخذه هو المبلغ اللي أعطاها إياه مايجي نصف راتبها الشهري
البنت مسكينه رضت بالواقع وتزوجت جابت من زوجها ثلاثة أطفال وطلقها والأن عايشه
هي وأطفالها في شقه في سطح إحدى العمارات تدفع إيجار الشقه وتصرف على أطفالها
وتدفع راتب السائق وزوجها مايسأل عنها ولاعن أطفاله ولايصرف عليهم وهي رافضه ترجع تسكن
مع أهلها خوفاً من أنهم يرجعوا يأخذوا راتبها........................ ........
والقصص كثيره في هذا المجال وهذا الموضوع بالتحديد
ولكن ندع المجال لغيرنا...................وآسفه على الإطاله
يعيطك ألف عافيه المغترب على الموضوع الحساس
مع التحيه