شوفوا طريقتي في الطماطم المريحة !!!!!؟؟؟
الطماطم إذا شفته كثير قمت نقيته وخليت بس اللي قاسي حق السلطة واللي لونها أخضر
أخليها برى الثلاجة لين يصير لونها أحمر
واللي طري مرة أسويه بطرقتين
نوع أقطعه مربعات وأعبيه في أكياس بالكمية اللي ممكن أحتاجها لو بغيت شكشوكة ولا بصل وطماطم بلول حق القرصان ولا فول بالكشنة
والباقي أعصره بالخلاط وأحط لي قدر كبير ,احمس فيه بصل وثوم وزيت وشوية بهارات صفراء
وملح وصلصة معجون طماطم وزيت وزبدة
وبعدين أصب عليهم العصير وأخليه يستوي ولما يصير كثيف أتركه لين يبرد وأعبيه بأكياس
وأحطهم على المقاس اللي أبيه وممكن أحتاجه ولو إحتجت أكثرطلعت على اللي احتاج من الأكياس لأنها مقاس 6
وإذا قمت متأخرة ولا جاني ضيوف فجأة ياسلام ما يبي لها شي اللحم جاهز ومقطع ومغسول قبل أحطه بالفريزر
والطماطم والبصل والحمسة كلها جاهزة بس طلعيها وحطيها بالكاتم ولا بالقدر العادي وإنسيها بس لاتحرقينها خخخخخخخخخخ
وٍوكملي باقي شغلك
هذه طريقتي أنا في البيت دايم
وسأضيف طرق نقلتها من منتديات أخرى وهي جيدة أيضاً