[نجم الإبداع]

السلام عليكم

إخواني الكرام

أتيت بدعوه كريمه

منأخي الكريم الطائر المهاجر

أتيت بهذه القصيده المتواضعه التي آمل ان تحوز ولو على النزر اليسير من رضاكم

ماجرحني حب دنيا ولا طرفٍ كحيل= جرحي اكبر من تغزل بذيـّات المتون
من زمان اول لقـيته وماعندي بديل = واقتنعت انه مصيري وواريت السنون
عشت به راضي وتاه المنـّْظّر والدليل = ناتناسى والـبشر حولنا يتغامزون
حير اهل الطب صنع الدوى وانهد حيل = والعقول الي تفكر تولاها السـكون
قالوا اصبر واتبع القول والعلم الجميل = واطلب الله يبري الغم من قبل المـــنون
مر نص العمر وانا انتظر وصفة عليل = ثم جد الجرح واضحوا علي يتكــالبون
سال دمع العين ودماي عاينها تسيل = من حنايا القاف واهل الهوى يتعارفون
ماكتبت اهذي ولا انا على همـي دخيل = اسكب العِبرات خل الذي يتخافتون
للعقول الي تميز غدى جسمي نحيل = والجروح اشوفهم باللظى يتكاتفون
لاتروح بعيد داخلك جرحي مستحيل = ماتحسه وانت ملهم ولا حولك ظنون
اسأل الشعار لو تهت مافيهم بخيل = المترجم عندهم والقوافي ينظمون