[عبدالله الشويمان]

المشاركة الأصلية كتبت بواسطة خالد بن منشار

كنت اظنّك يالمفارق صعب وجروحـك قويّـه = كنت اظن الموت يآتي لي تفارقنـا وراحـت
كنت اظن إني بلاها ضايـعٍ مـا لـي هويّـه = واحسب الغربه جفاها لا ابعدت عني وزاحت
ماحصل شيّ افترقنـا بعـد مـا كنّـا سويّـه = كلٍّ اقفى في طريق ودمعـةٍ بالخـد طاحـت
يـوم فرقاهـا ادوّر لـي حلـول بفوضويّـه = مرتبك كلّي وخايف والمشاعر ما استراحـت
مرّ يوميـن وثلاثـه بيـن ليـلٍ واضحويّـه = بين نسيـان وتذكّـر بيـن معقولـه وباحـت
راحت الأيّام تجري وانتهـت ذيـك الخويّـه = ناسيٍ حتى إسِمْهْا كيف كانـت كيـف لاحـت
أحسِبنّي في زمانـي عاشـقٍ حـب ابدويّـه = ضاع عمره في رجاها وان تركها يوم ! ناحت
واثرنا نسلى ونلعب بيـن جـده ! والحويّـه = مــا حسبنا للمفارق!! لين ريح البعـد فاحـت
يا ما ظنيت المفارق صعب وجروحـه قويّـه = واثر فرقاها مجرّد وعكـه صحيّـه وراحـت

صح السانك اخوي خالد.

وبيض الله وجهك على هذا النص الراقي.

لا هنت يا القرم

تحياتي