مرثية اخي المرحوم عبدالله حمد في والدته تاريخ الابيات 1395/12/1
امس الضحى في عالي الرجم عديت=رجم طويل يتعب الرجل مرقاه
صعدت في راسه وبيحت ماخفيت=على الذي روح ومالحق امناه
انساني العبرات وانهت تناهيت=والدمع مني حرق الوجن وادماه
ياليتني قبل الحنونه توفيت=ولاحضرت بماتمة ولامعزاه
عزالله انه راح ماعنه اسليت=ولابعد يدله عن البال وانساه
حبه ببالي وين مااقبلت واقفيت=ورسمه بصندوق الضماير مخباه
قوضت ياالغالي وعنا تقفيت=ومدري زعل منه ولا من ارضاه