جديدنا امل ان تحوز على رضاكم
ادوج على الموتر ولاني بدواج=ودعس على ريسه بروس العوالي
لويقطع الجوال ماحوله ابراج=ماعاد والله للرجوع احتمالي
نقطع خرايمها ولانبدي احراج=ونطمس من القاموس كلمة مجالي
الوقت هذا مثل شمعة سراج=لاواهني اللي من الهم سالي
ماصار باالدنيا لحوح ولجاج=حظه جميل ولا بلته الليالي
متواضع ماله مع الشر منهاج=ضحوك سن وكل مابه مثالي
الى طراله شي مايبدي ازعاج=روح على فاله ولاهواتكالي
هذي طراة العمر لاترجع ادراج=حقق امانيك تراها زوالي