السلام عليكم ورحمة الله
اضعكم مع هالابيات عسى تنول على رضاكم
ياجرح اكتب من حناياي مرسول=واكتب على صفحه وريدي هويته
لي حب مات من القهر مات مشلول=لاني قدرت اصبر ولاني عطيته
دايم اهوجس سارح الفكر مشغول=واقول يادنيا وش الي جنيته
مجروح يادنيا ومعذب على طول=حتى قصيدي لانظمته بكيته
متحملن فوق القهر عدة حمول=شين قويته وشين(ن) ماقويته
دنياي قولي انا معك مخذول=قولي وش الي استفدت وخذيته
دنياي ماعندي اساليب وحلول=كل شي قدمته بيميني عطيته
بس للاسف اصبحت على حب مقتول=لاني عرفت انساه ولاني رميته