قصيدي في بني لام
من كلماتي واداء مهنا العتيبي
امل ان تنال استحسانكم
يــوم كــل(ن) جــــر مـــواله وغـــنا=شاش راسي دون ربعي والقبيله
محزمـي مليــان وش عــــاد اتونا=والعــذر ماعــاد لي فالعــذر حيله
من بني عمــي هــل المجــد المبـنا=من فضـل ربي ولا لحد(ن) فضيله
الفضول اهـل القنا واهــل المحـنا=والكرم والجـود والايـدي الطويله
كم حريــب(ن) في لقاهـــم ماتهنّا=من سلــم منهــم يعــود بالفشيله
مــاجهــلنا والمصيـــبه لاجهـــلـنا=مانحســب للخسـاير والحصـيله
وان فزعنـــا للرفيـق الـيا زهمـــنا=يبشـر بفــزّاعة(ن) تشفــي غليـله
الفخر حنــا وســاس المجــد حنــا=والكـــرم مــنا وحنــا ننتمـــي لــه
وأذكـــر الكثــران هـــم زبن المجنا=في ذراهـــم مـاتحــال المستحـيله
من يطاولهـــم فــخــر قـــل لاتعـنا=طايلــين فـــوق هامــات الطــويله
والمغيــره ســـتر رعبوب(ن) تحــنّا =متعبـين الحــــره وبنــت الكحـيله
كـم بكن البيض شيـخ وكــم نعــنّا=من فعايلـهم وهـــي منهــم قليــله
انشـــد النسـاب والتــاريخ عــــنا=من ســلالة لام من طـــي الاصيله
نعتـزي بخـوان سعـــدى وانتـغنا=ويتعــــدل لعتـــزينا كـــــل ميــــله
شجرة(ن)ماخاشرت عرق(ن)مــدنّا =فالثــريا راســها خضــر(ن) ظليله
ضاربينٍ(ن) فالوطـــن مــنا ومــنا=دمنا واحــد ومن نفــس الفصيله
من ورا الصمان للعـارض سكـــنا=ومن جبل ثهلان الى حـد الرعيله
مــا نزلناهـــا عطـــى والا بمــــنا=بالرجـــال وبالهنـــادي الصقـيله
والـله انـا ! والـله انـا ! والـله انـا=كــل حمــل(ن) لرتكينا لــه نشـيله