السلام عليكم ورحمة الله وبركاته
اقدم لكم هذه المتواضعة بصوتي عسى أن تنال على رضاكم والمعذرة عن التقصير
الصوت
vvv
IMG_5096.m4a
لاتعتذر يامولّع القلب توليع = ما للعذر يامتلف الروح داعي
ماللعذر عند العشاشيق تشريع = ندمح لك الزلّة بليّا مساعي
دام الوفا من بيننا مابعد بيع = مدٍّ يجي منّك يوافا بصاعي
لدّ النظر لي خل أشوف المرابيع = بشبع نظر ماجيت ادوّر نزاعي
كلٍ مع الخفرات حمله مطاميع = وحملي ثقيلٍ مايطيقه ذراعي
لو برّكوا له طاويات المخاويع = يفتر جهدهن مامشن كود باعي
ياراعي (ا)وساعٍ تشع بشعاشيع = وش هو شعاع الشمس عند الوساعي!!
لا ضمّت ارموشك هدبهن من الميع = يدني ظلام دامسٍ لين تاعي
ومزنٍ ورى البرقع تهل بمنافيع = تحيي قفارٍ الارض سفحٍ وقاعي
لامن تهيّا من بغشهن قراطيع = في حزّةٍ كل الخلايق هجاعي
كنّ المتيّم ماخذ له تجاريع = من خمرةٍ مخصوصةٍ ماتباعي
يامشبع (ا)قلوب العذارى تلاويع = ناحاً على قل البخت والضياعي
ناب القهر فيهن غدى له تواجيع = ينهش بهن نهش السباع الجياعي
جيتك وانا بيبان قلبي مصاريع =جيتك وله ماجيت ابا اعلن وداعي
جهاد عبدالعزيز عبدالله الشعلان