السلام عليكم ورحمة الله وبركاته
اقدم لكم هذه المتواضعة عسى أن تنال على إعجابكم
فمان الله يالجرح القديم ودمعة المشتاق=فمان الله ياحبٍ ترعرع داخل اعماقي
تكاشف بارق العزّه على دربٍ وراه فراق=وقدّاني على دارٍ عليها ما نوت ساقي
انا رجلي عن (ا)دروب الهوى والبهذلة تنساق=الى صار الخليل بسكرة اغروره ولافاقي
انا ما ارجي مناديبٍ العطاء من حضرة السرّاق=اسدد كامل حسابه ولا اخذ خردةَ الباقي
عسى اللَّہ يمحق الحاظر وترجع زحمة الاشواق=زمانٍ فيه مع خلٍّ وفاقه وافق وفاقي
بذرنا حبنا بأرض الهوى مع غيبت الاشفاق=وسقنى له سحابٍ بالوصل والود رقراقي
ولكن يبْست اغصونه وحتت مجمل الاوراق=بَعد قيض المشاعر ما بقى بارض الهوى باقي
فمان اللَّہ ،، وش باقي بعد ماروّح البوّاق=فمان اللَّہ ياحبٍ يخيّب هقوة الهاقي
جهاد بن عبدالعزيز بن عبدالله الشعلان