اليوم قلبي مايبي غير فرقاك
ابشر بنفس ٍماتعرف الحسايف
خلك على دربك ونهجك وممشاك
نفسي عزيزة والنوايا نضايف
دور على غيري يحفظك ويرعاك
وانا على وصلك من العام عايف
إلي متى تبيني أجلس برجواك
ويش أنت من كثرة تغليك شايف
كان أنت تحسبني مديم أتمناك
هذاك مبطي يوم حنا ولايف
آمر تدلل ماطلبته عطيناك
لو كان غالي ماعلينا كلايف
ماتطلبه ياصاحبي قلت لك جاك
فتحت لك في وسط قلبي مضايف
خرجت لك من داخل القلب ابنساك
ركايبي من عقب حبك نكايف
مافيه مخلوق ن يسوي سواياك
عسى يلوفك من عنا الوقت لايف
مسحت حبك ياحبيبي بيمناك
وأول ووضعك ياأدعج العين كايف
اليوم ماتطري على البال ذكراك
نحرت حبك بالسيوف الرهايف
ماعاد لي يازين رغبه بلاماك
راسي عن الي عافني دوم نايف