ياديرتن بالكون وهاجها اينير
ياديرتن تزهى بـداخل وطنها
حتى هواها له على الجو تأثـير
كن أكسيجينه ياخذه بس منها
أروح منها وأقعد بشوقي آسير
هذا شعوري كل ما أغيب عنها
الي حظنتني في حياتي واناصغير
الين صرت الشاعر اللي حظنها
أكـابر السـادات روس المناعـير
سكـانها والعز منهم سكـنها
ولغـيرها ماهي تزين المشاوير
للي عن الضيقات صدره زبنها
لو للسعاده بوصله يمها اتشير
لمنهو بغاها في حياته ضمنها
هذي بيوتي ماكفت فيك تعبير
من شاعرن لك بالمحبه وزنها