تسمحيلى
اردليكى مره الجميل
واخدك فى حضنى زى الوليد
العب معاكى واجرى وراكى
كااااام الف ميل
ومش ح اميل
تسمحيلى
ايه يعنى لما انحنيلك
وابوس كمان برضه ايدك
او اجمل نفسى ليكى
ما انتى شريانى ووريدى
تسمحيلى
انقش الاحلام عشانك
ع الحيطان وجوه بيتى
ابدر الحب اللى كنتى بتديهولى
فى الشوارع والحارات
تسمحيلى
علمينى اللغات
اصل عمرى راح وفات
والكلام ما بقتش افهمه
فهمينى
مين اللى باع عمرنا
ومين اللى نهب فرحنا
ومين اللى خلا اسمنا
من غير حروف
تسمحيلى
ليه النهارده بنتحرق
من غير نيران
حتى النسب اصبح مهان
لو اخ يوم راح غلط
يلاقى اخوه يقول جبان
تسمحيلى
الغسيل اللى اتنشر
كان تحفه وجنان
كان تعرى
لكل اديان الزمان
تسمحيلى
ابدا حياتى من جديد
وارجع واكون الوليد
وابكى عشانك الف عمر
يمكن اعيش يوم سعيد
تسمحيلى
الخيوط اتشبكت
صبحت كبيت العنكبوت
والحقيقه اتسربت
من بين ايادى الاخطبوط
الكل اصبح ليه قاموس
الكل اصبح ليه فانوس
تسمحيلى
النهارده انتهى
بعد ما اتباعت فيه النفوس
والحلم اصبح لذته انه كابوس