[ساهر الليل]

البارحه جاني شعور اني على بالك طريت=عسى المشاعر ماتخيب من طرق موالها
يالصاحب اللي عن ترانيم المشاعر مادريت=قلبي الوحيد اللي تعذب من ردود افعالها
وانت الذي خابرك الى من جيت لك عاني وفيت=ليت الهموم الطايله قلب العنى ما شالها
ارسلت لك جملة رسايل حبرها لونه بهيت =من شان عينك ياحبيبي مايذوب كحالها
مرسولها مامون من عامين قبلي مايبيت=يلطف بروحي كلما زادت عليّ احمالها
ان كنت يا لصاحب لمظمون الرسايل ماقريت=دور على مرسولها كان الوهن ماطالها
واقر الكتاب اللي معنون (عنك والله ما سليت)=وانظر بعينك في سحابه ماوقف همالها
يومك قبيل البارحه من نافذت دارك بديت =وشلون بالسرعه قفلت النافذه باقفالها
وانا انتظر رد التحيه يوم سلمت ونبيت =مير الله العالم عيونك ماشكت غربالها
ساهر بجنب الدار انا والليل لحظه ماغفيت=الين عين الشمس ماقامت تمد حبالها
الناس تهنا بالكرى وانا بطعمه ماهتنيت= يامن لعينٍ ماتنام ولاتدبر حالها
ياليتني يوم ابتدا المشوار بعت ولا شريت=والا عسفت الصافنه ويحلها حلالها