اخواني اعضاء منتدى الفطاحلة الكرام اقدم لكم هذه القصيدة وارجو ان تحوز على رضاكم .
ياللي تلفتلي علامك تلفت=اخيلتني من كثر ما تلتفتلي
عرفتني يازين ولا توهمت=والا شياطين الهوى وهمتلي
كنك تغازلني ترى ما توقفت=ستين عام من الغزل وقفتلي
وان كنت انا غلطان ذنوبي تحملت=ذنوبي اللي بالخطا حملتلي
قالت علامك في احكامك تعجلت=اصبر علي شوي ثم اصتنتلي
تراي بالعاني لمثلك تعرضت=نفسي وشيطان الهوى سولتلي
انا اعرفك شاعر كبير ان تغزلت=تحط بي اوصاف لو ماحلتلي
وانا ابيك تكتب ما رأيته وشفت=ابيات شعر بالحلا وصفتلي
ودي اسجلهن على صفحت الكرت=كرت التعارف كنها وافقتلي
واقول لك مليون شكر ان تكرمت=وفي منتداك المحترم نزلتلي
وان وافق الدكتور عثمان لا هنت=اسبوعين في صفحة فطاحل كفتلي
تكفى يا دكتور الفطاحل تحيرت=وش رايك بمطلوبها اللي اطلبتلي
اطاوع المجمول والا الزم الصمت=والا اعتبر ما كنها عرضتلي