السلام عليكم /
بيتين على الطاير للطاير
و يسلم راسك يا بوعبدالله ،
على وزن قصيدة الطامي ولا يهون ...
يوم كل ٍ قام ، في عيد الوطن يمدح دياره = طاب لي أمدح دياري ، وآتمثّل بالقصيد
دارنا اللي في سماها مرتفع رمزالحضارة = راية التوحيد يغني ، شوفها عن كل عيد
قصة التوحيد ، وما فيها من فنون ومهارة = أ صبحت جزء ًمن التاريخ ، والمجد التليد
شيخنا عبد العزيز ، اللي بنى صرح الأمارة = وحّد أطراف الجزيرة رغم كل أنف ٍعنيد
ملحمة تأسيس ، والعالم بها ، زاد إنبهاره = خاضها خمسين عام ٍ لان له صلب الحديد
حدد الإسلام ، منهاج ٍ لها وأرسى مساره = مستمد ٍ من كتاب الله ، لها الحكم الأكيد
نجد يا ديرة هلي يبشر خصيمك بالخسارة = شايلينه عهد منا ، لك إلى يوم الوعيد
تحيتي وتقديري