الهوى هب مثل الفارس الصنديد=خذ خفوقي وصارت حالتي حاله
شفتهن فالعوالي في نهار العيد=ريحة الورد بين غصون مياله
العيون النواعس مع بياض الجيد=تسلب الروح في ميدان خياله
لاتلومون قلبي في غرام الغيد=صوتهن والدلع يازين مرساله
سيف عنتر وسيف الفارس ابو زيد=من كفوف الهوى لاشك قتاله
قلت ياصاحبي خذني هناك بعيد=قال ماحولنا ياصاح نقاله
قلت شلني على لوحن من القرميد=وان تعذر فدور ناس رحاله
قال وش فيك كنك من هواة البيد=قلت لاضاق صدري زاع مواله
قال صبرك وقلبك خابره من حيد=وش جرى ياجبل نرتاح في جاله
قلت كنت احسب اني الفارس الصنديد=واثر سهم الهوى مايرحم الواله
صوبوني بسهم اليوم جاب العيد=لين صاب الخفوق وصرت به داله
حسبي الله على الحور الحسان الغيد=صوبو القلب لين ارسل بمواله
لاتلومون بن منشار فالتغريد =كل ماشاف غيدا صار به حاله