[عبدالله راشد الثويني]

السلام عليكم والرحمه


الجديد المتواضع لعله يروق لكم

إحرص على اللي يرخص العمر لآجلك=وإحذر من اللي لو تصافيـه ... يَجفاك
قد قاله اللي جـَـرّب الحِب قبلك =رآيـه قِـصر عنْك البهاذيل .. وآغناك
من قبل لا تِــقدم .. وتغرق بجهلك = من عقبها ماينفعك زود . لآماك
إن مـَـدْ حَبله عاشقك ... مِــدْ حَبلك=لا تِهمل اللي ينتظر يوم .. لقياك
فوق الوُفا والطـِـيب .. تلقاه يملك = قلبً ليامنـّـه قسى الوقت .. يفداك
هذا الذي لو طعت .. وآحَكمت عقلك=شاريك بين الناس ويدوّر . إرضاك
غلطان لو من عقبها رحت . تسلك=درب الذي مايوم قد جاب طريـاك
ماهوب طامع في غرامك ووصلك=لو جيت له عاني من آقصاك ، لآدناك
مثله ولو حلّـلت لرضاه .. قتلك ..؟ = ماجاك مثل اللي خفوقــه .. تمنّـاك