ودعـتـهـم فـــي امــــان الله راحــــوا بـعـيــد
في حفظ ربي يروحوا ويرجعوا بالسلامه
ادري بقلـبـي قــويٍ فــي المـواقـف شـديــد
لكـن مـع فراقهـم حسّيـت اقــوى انهـزامـه
نــارٍ بجـوفـي ونــارٍ فــي ضلـوعـي وقـيــد
اخاف غدر الليالـي بعـد طـول ابتسامـه
راحــوا يـبـون المعـالـي لــو بــدربٍ عنـيـد
في دار غربه وليـل الحـزن خيّـم عتامـه
يـاكـود يلـقـوا وظيـفـه بـعـد جـهــدٍ جـهـيـد
مثل الذي جوا وفود والكل تربح سهامـه
فـي ديـرة اللـي بهـا اصلـي بلـيـا عضـيـد
يعيـش مثـل الغريـب اللـي تنـكّـد مقـامـه
فــي ديــرةٍ مــا تـبـي يـاكـود مـثـل العـبـيـد
الـلــي تـنـفـذ اوامـــر دون فـكــر وفـهـامـه
لــو كــان بـالـود ودي مــا يـروحـوا بعـيـد
واعيش معهـم بقايـا العمـر دام بختامـه
مـانـي غـنـيٍ اشـغّــل مـالــي الـلــي تـلـيـد
واوجـد لـهـم فـرصـةٍ والـكـل يلـقـى مـرامـه
مستور حالي وعايش في حياتي سعيد
إلا مـن فراقـهـم فالقـلـب يشـكـي سقـامـه
يالله دخيـلـك فـــلا بـــي جـــاه ولاّ رصـيــد
ابـيــك تـحـفـظ حـواقـيـلٍ علـيـهـم غـمـامـه
وافرح بهم ف الوظايف بعـد عمـر مديـد
كـــلٍ تـكـفّـل بنـفـسـه وارجـهـنـت عـظـامـه
صح لسانك وفكرك
وقلبك يعطيك العافيه
قصيده معبره وجزلــه