يا زين انا مدري وش اللي فعلته = يومك تعاتبني علي غير برهان
و انا علي نهج الوفا اللي رسمته = ما غيرت حالي غرابيل الازمان
تزعل علي يوم الزعل ما رغبته = منّـك ولا يطري علي كل الاحيان
وش غيرك عن حالك اللي عرفته = ليه اختلف ذاك الغلا بكل ميزان
اشغلتني و اشغلت بالٍ جرحته = جرحٍ علي جرحٍ تعانيه الاشجان
وانت الذي فيك الحكي ما سمعته = و الله يجازي كل عاذل و خوان
اشرح لي الموضوع ياللي فهمته = و نحاسب الجاني و من كان غلطان
و ان كان لي ذنبٍ عليك اقترفته = ابعتذر و العذر من قلب و لسان
