يالله والدنيا بها الزين والشين=والضيق فيها للبشر والرحابه
ترحم مصلي مات في يوم الاثنين=فقده خساره ساعة الاستجابه
مبارك القابض على جذوة الدين=صوت الاذان الطيب منه انسكابه
عشرين عام اروى قلوب المصلين=والقريه من صوته عليها مهابه
يشهد له القاصي بهذا والادنين=راعي كرم للضيف والا الصحابه
هذا اخر اخوالي وكانو مقيمين=واليوم خالي حزن تلهب نشابه
ياطيبكم ياجيل قبلي بجيلين =وياشين جيلن بعدكم يلتجى به
ياوجد روحي يالرجال الموالين=من عقبكم ماحولي الا الغرابه
يالله في الفردوس الاعلى ويقطين=تسكن ابو ابراهيم واجبر مصابه