في احد احتفلات الجماعه طلب مني شيله خاصه بهم
وهاذت القريحه بهذه البيات عسى ان تنال استحسانكم
ياسلام الله عليكـم يـال مُـره=يابني عمي مزبِنـة الجـلاوي
ياسلامي مـرّه ومليون مـرَه=للرجال اللي كما النجم السماوي
لاوِمِرالله يكافـي الارض شـرّه=يذكر التاريخ وقعـه والبـلاوي
صلب يام من المحره للمجـرّه=فزعة المضهود والغِر السحاوي
خوّة المري كما علـم المسـرّه=خوته ترفعك من دون الدنـاوي
مايخيـب خوتـك مقـدار ذره=بالمراجل كنه العـد الرهـاوي
ورفقته لارحت منـه مستمـره=ماتوقفها المسافـه والدعـاوي
وفزعته تغنيك عن مليون حٌرّه=توردك ماكنت في ورده شفاوي
وان لفيته عانيٍ له في مقـرَه=اول الترحيب من قبل القهـاوي
وياسلام الله عليكم يـال مُـره=صاملين ٍماتخلفـون الهقـاوي
ولاقصور بباقي القبائل