دعيت لقوة هذا الصباح جاد بها أحدالزملاءفأتت...
قالو..تقهو وقلت قهوه بلاتمر=قالوتعال السكري يكسرالشوف
قلت آسف آسف ذا التمركنه الجمر=لذيذلكن سكّره يتلف الجوف
قالو..نجيب خلاص ونبوت..أوصفر=قلنا ولوجبتوبلاستيك للشوف
ايطامرالسكر نذاله وله زمر=يقول حتى الشوف حدّك وموقوف
هاتوا لناشاهي وقولو لنامر=نحط به حرّه وندبغ بلاخوف
قالوترفق لاتبجح وتسترّ=شاهي ومرلتسبدك يسبب تلوف
ثم قلت ماباقي لنا غير نجتر=نقعد مع العالم ونكثرمن حلوف
شبعان متقهوي وصايم وبي حر=والله يعلم كم اناحيل ملهوف
سعبولتي تجري واناخاف تقطر=تسايد مع الحرمان يتملكك خوف
مصرانك من الجوع تصوي تقرقر=قدامها البنكرياس شايل لها سيوف
يلعب لها العرضه وعينه بهاشر=ياويل ويل الفم لودشه ضيوف
لوكان قطرة مامصفّى مفلتر=بالك وويلك يطرقك هم وحسوف