[الطائر المهاجر]

الوقت عيّا لا يجي لي على الكيف = وانا رفضت امشي معه في طريقه
كني غريبٍ يقضي الوقت او ضيف= لفى على من لا اكرمه رغم ضيقه
لأنه يقول الحق من غير تزييف = في وقت ما يبغى تقال الحقيقه
يبي عمى ابكم وطبلٍ وتجويف = يدربي لراسه دالهٍ في نعيقه
لو كان اصله حر اصبح كما الهيف= همه رصيد وجاه يبغى بريقه
يكذب .. ينافق .. كل شغله بتهديف= للمصلحه لو باع حتى رفيقه
ومن لايساير جاه عزلٍ و تنتيف = فمن لا معانا ضدنا بالسليقه
وتبرمج العربان بالمدن والريف = على حياة الذل يهووا رحيقه
طليان صاروا كل همه بتعليف = وتبطحوا والكل ضيّع طريقه
وتناطحوا ضربٍ وسفك وتلغيف= وصاروا شماتٍ بين كل الخليقه
ضعف العرب والوقت مايقبل ضعيف= وذيابةٍ تركض عليهم سبيقه
تجهش عليهم بين ضغطٍ وتخويف= بعينٍ على الثروات لحظه ودقيقه
ودام العرب ما تقبل الحق وتضيف= الامر شورى ف الأمور العميقه
ودام العدل اقفى ولا به سوى الحيف= ودام الفساد اصبح جذوره عريقه
صيورهم ذلٍ وقتل وتخطيف = ويمحى اثرهم كالعهود السحيقه