قالوا ربيع للعرب بعد ثورات= قلت النتيجه فاضحه بالرزيه
فوضى وقتلٍ مستمر بالوفات= وايدي خفيه لاعبه بالبريه
تضرب بعضهم في بعض كل الاوقات= ولا عاد به امنٍ وعقل ورويه
ولا عاد به رحمه ودينٍ وعادات= الكل يشكي من كثير الأذيه
لا اختل امن الشعب عاشوا بويلات= والحكم لا من ضعف شر البليه
فابحث عن اقوى حكم بين الحكومات= ودور على اللي كاسبٍ للرعيه
تلقاه ابو متعب شهوده والإثبات= قولٍ وفعل بكل امرٍ وهيه
وتلقاه نايف حصننا في المهمات = وابو فهد سلمان درع الحميه
شجرة ظليله وارفه بالعطاءات = اعطت لدار العز اجمل هويه
نعيش في امن وامان وخيرات = ولا همنا الحقاد واهل الرديه
يدوم عزك ياوطن انت بالذات = نجمٍ تعلا الكون وازداد ضيّه