السلام عليكم /
عيدكم مبارك مع الآتي .
سواليف الغزل
ألا ياليت قلبك ، قدّر اللي ، صار وظروفي = وحسّ بقلبي ، اللي من فراقك منكوي بالنار
طريح ٍ من بعد فرقاك للحسرات والخوفي = أقاسي لوعة الحرمان وطول الصدّ والأعذار
وصار الدمع من عيني نزوله شيء مألوفي = وإلى مني سألته رد يسألني عن اللي صار
دخلتي بيتي اللي من حنايا الصدر مسقوفي = قدرتي تستحلينه !! برغم إن البيوت أسرار
سكنتي جرحي النازف أسى .! ياليتك تشوفي = نزيفه من صميم القلب يرسل دمه المدرار
تمكّن بي هواك ، اللي تمركز وسط سرجوفي = دلال ٍ له بفكري مع سواليف الغزل ، تذكار
توطنتيّ العذاب جروح ، تسكن في خفا جوفي = بعد ماعانت الوجدان لأجلك كثرة الأسفار
أسافرمع مشاعر شوقي الهيمان وأطوفي = وأحّلق مع أثيرالشوق سابح في فضاء الأفكار
رماني الحب في درب ٍ من الأخطار محفوفي = وتعـبت وزادت آلامي وطال الحلم والمشوار
وعايشت الألم شعـر ٍ نظمته قاف معسوفي = وتهت بزحمة أبياته وهمت بوادي الأشعار
تغنتّ لك ، مواويل القصايد ، لحن معزوفي = ويكفيكي فخر .! إنه كتبها ولد ( بن عمار )
فـيض ودي
محمد بن عمار