[عصام عبد الحميد]

المشاركة الأصلية كتبت بواسطة حسن الوطري

مبداي باسم اللي علم كل خافـي = اللي بدين الحق مرسـل رسولـه
من بعدها بالوقت صار اختلافـي = كلٍ يقول انـه زعيـم البطولـه
ياللي تبون اليوم نظـم القوافـي = ترا القوافي ماتجـي بالسهولـه
لاصار قاف اللعب ماهـو بوافـي = اخيّر ترك اللعب عرضه وطولـه
لا صار ما هو من صميم الخوافي = يصير مثل الهـرج كـلٍ يقولـه
يااهل الحداثه والبيوت الضعافـي = يا حيف ما فيكم نفوسٍ خجولـه
الكل صار اليوم صقر النصافـي = والشعر ينفـا مثلهـم وحبلولـه
كـلٍ يورالـه وفيكـم هـرافـي = يقول انا الشاعر ويشعب ذلولـه
يصلخ ويطبخ والنتيجـه عوافـي = مافيه غير السان مع كبر زولـه
واليا ذكر شاعر صدوقٍ سنافـي = يقول انا الشاعر ولانـي بحولـه
عاري حقيقه ما لبس بشت ضافي = ومن الجهل يحكم ثمانيـن دولـه
مجمعن حولـه خـدوشٍ خفافـي = يضحك ويفرح كل مـا صفقولـه
الشعر بحرٍ قاعتـه مـا تشافـي = وقاع البحر يصعب عليكم وصوله
الشعر حبك وسبك من فكر صافي = ماهو بهرجٍ يضهره مـن حثولـه
خلوه لاهله ما جرى اليوم كافـي = اللي تعدل منهجـه عـن ميولـه

اخى الفاضل / حسن الوطرى

احسنت اخى فان للشعر اصول

وليس كل ما يكتب شعرا

شكرا لك ودمت بكل الخير