[حمود السكراني]

قصة قرأتها وكتبت =
آخر لحظاتها=
على همس الكلام اللي =ضحك بك من صداه شعور
زفير أنفاسه الدافي = وجفنٍ بالمكر مكسور
بآخر لحظة المسرى =قبل كلمة سلام مشكور
قرأ بك صدق في حبك = وطيبة قلبك المغدور
لمس بك رغبة العاشق = ومطلب بالصدر مستور
بسط كفه على كفك = بدون إحم ولا دستور
وضمت اليدين ظهور =و ضمت الصدور صدور
بليلة نورها هادي = مابين النور والديجور
ونور الغرفة اللي = منعكس على أحمر الديكور
وشمعة نورها خافت = وجلسة يا شذاها عطور
بلحظة إن قتل فيها =على همس الكلام غرور
تحرك بك طرف ذاك = السرير اهتز لك مسرور
تعرى جوها المفعم = تجاوز حده المحذور
وطحتي ياقتيلة ما = دريتي بإنهدام السور
ضحية غدر مالك = في ملامة مجتمع مقدور
بعالم من يغرر به = ويغلط مايقال معذور
تحط الصورة الأسوأ = ويملأ من تحتها سطور
بنى لك جسر من هرجه = وهل يبني الكلام جسور
قتل فيك الشموخ اللي = أسير محاولة شهور
نهايتها ندم غلطة = ضياع وخاطرٍ مكسور
بكيتي من ندم بس؟ = ما يرده دمعك المنثور
بكيتي من ندم بس ؟ = ما يرده دمعك المنثور