السلام عليكم ورحمة الله وبركاته
وعظم الله اجركم جميعاً
ورحم الله فقيدنا وفقيد الأمه الامير سلطان بن عبدالعزيز
واسكنه فسيح جناته
أحرف كيبورديـّـه كتبتها وأعلم بأنها لا تفي بأن تكون كمرثيه له
ولكن هي من القلب وكفى
مامات سلطان العطا / لو ضمْ قبره مايزال = عايش [ هِـنا ] .. فقلوبنا والموت مايمحي غلاه
مامات باقي لو يطول الوقت نسيانه مُحال = وشلون ننسى طيبته ؟؟ وشلون نتناسى وفاه
ترثيه دمعات [ اليتيم ] اللي شكا جور الليال=ترثيه دمعات [ الغريب ] اللي تذرّا في ذراه
ترثيـه دمعات [ المُعاق ] اللي فقد سمح القبال=ترثيه دمعات [ المريض ] اللي خذا عطفه دواه
ترثيه دمعات [ الصغير ] اللي يعدّه له مثال= ترثيه دمعات [ الفقير ] اللي معه حقق مناه
ترثيه دمعات الوطن / دمع الزهر / صفر الدلال=ترثيه دمعات [ الضيوف ] اللي تقهوت من عطاه
يرثيه دمعي يوم ماصَدّق خبر موته وسال=وامضيت أردد دعوتي للي تعلّــى في سماه
يااارب وإرحم من رحَــل عنا / وذكره مايزال=عايش هِنا [فقلوبنا ] / والموت مايمحي غلاااه