سلام والمعنى على سطح القمر يرقى سنود =واللي يبيع ويشتري يطب سوق الا حمدي
علي بن عواش الحبابي
مبروك ياالكايد على ماجاك والعالم شهود =والون الابيض شارة الرماي غايه مقصدي
صلاح محمد الشمري
يامرحبا ترحيبتن بالطيب ماتنقص تزود =ترفع رجال الطيب بالعالي وترضخ بالردي
صنداح الزلامي
الله يبارك فيك يالعملاق والطيب يجود =واللون الابيض ينقبل ماهوب مثل الاسودي
علي بن معطش الغامدي
تبقا وتسلم وانت وافي من عريبين الجدود=والشك زايل والردي ماقلت ميده يابعدي
على بن عواش احابي
اهم شي اليوم فكينا من ايديك القيود =ومن فرحتك وسط الجماعه قمت تضحك وتعدي
صلاح محمد الشمري
ال
شك زايل والوفا بين العرب ماله حدود =واللي يحج البيت يذبح يابعد حيي فدي
صنداح الزلامي
ياكبرها ياعبرها لاكن من طبع الزيود =يسبب المشلكة مابين مهدي ومهدي
علي بن معطش الغامدي
السيف ابوحدين والنخله شعار ابن سعود =امسك طريق الحق لاتعكس مسارك وتغدي
على بن عواش الحبابي
عاش الزلامي بس يخضع كل ماجبنا البنود =ماله مفر ولا مطير ايعيش ونقول اجودي
صلاح محمد الشمري
اشعار شمر لا اله الا الله الفرد الودود =ما ضاع في سود الليالي من بربه يقتدي
صنداح الزلامي
ابنودكم بحدودكم ياهل المدافع والفرود =ياللي تعاين للجدي مانته قريبٍ للجدي
علي بن معطش الغامدي
هذا شعار المسلمين من الحدود اليا الحدود =والصف واحد والسحايب بين ديمه وبردي
على بن عواش الحبابي
اليا خطفنا واحد منكم يصيحون الهنود =ماتسمع الا صافره لنذار ياجن اهجدي
صلاح محمد الشمري
الصف صاير مفترق طرقن تبيّح للسدود =واللي شعاره رفعة الاسلام رد المعتدي
صنداح الزلامي
الليل ياخطاف سر الليل واوفوا بالوعود =واللي تصيده فطبخ ولا على كيفه ندي
علي بن معطش الغامدي
الله يوفق بومحمد والعلم فوق العمود =لو يعترف بالحق والله ماتجيني محتدي
على بن عواش الحبابي
اما ذبحنا لك طلي ولا نحرنا لك قعود =الصف واحد والرجال اخوان وانته مسندي
صلاح محمد الشمري
عرق النسا ليّن قليبك من بعد كثر الصمود =قامت على راسك مزون الصيف تبرق ترعدي
صنداح الزلامي
الله يهنيكم وانا مابي من العالم وقود =مغنيني الله واتغذى من ذراعي وجهدي
علي بن معطش الغامدي
اللي من الله مرحبا به والبلا الرجل الشرود =من طبعنا يالشمري دايم نرد المعتدي
على بن عواش الحبابي
حنا خلصنا بس تعرف من يبذون الكبود =ناس بلا معنى ولا مبنا ماغير التعربدي
صلاح محمد الشمري
ماهو معيّن خير تبّاع النصارا واليهود =ليلك بعد ماكان فيه النور صاير سرمدي
صند ا ح الزلامي
اصبر علي ماجاك يالعملاق والصر محمود =تحتر كبدك ياوسيع العرف ولا تبردي
علي بن معطش الغامدي
لولا ولا مابقى لاصحبنا ذكر ووجود =مابين يوم ولليل خلا الجن عنكم تهجدي
على بن عواش الحابي
اليا ذكرنا بك خصال طيبه يااخ العنود =وافي ومن وافين وهل الجلجه ماتركدي
صلاح محمد الشمري
سداد دينٍ يوم جانا قاطعن حد النفود =يوم ان انا شايب وبشتي ضلله مثل ولدي
صنداح الزلامي
في عين بن عواش عود في جبل تسعين عود =مافيه غير الموت الاحمر والسلاح الاجردي
|