بسم الله الرحمن الرحيم
أسعد الله جميع أوقاتكم بكل خير ومسرات
((بوح في بوح))
حاولت أدور لك حبيبي طريقة = تبري جروح القلب تبني لك صروح
حاولت لكن جات يمي حقيقة = تقول يم الغير تسهر له تنوح
شفتك وشفت الغير يمك تطيقة = وشفت المشاعر كلها بوح في بوح
وأنا غريق ظلوع قلبك غريقة = أنا الغريق الي يحبك ومجروح
ماتدري أن جروح قلبي عميقة = وماتدري أن القلب يمك ومفتوح
فتحت قلبي شوف قلبي حديقة = فيه الغلا فيه الزهر زهر بفروح
فتحت قلبي كيف ؟ جتني حريقة = وياكيف صار الحب يمي ومذبوح
حاولت أبدل يم قلبي عشيقة = حاولت لكن شدني الحب بالنوح
عجزت لا بدل بغيرك دقيقة = وعجزت لا كرر توكل ومسموح
تعال يمي كان عندك طريقة = تلغي جميع الجرح تبني لي صروح