[عبدالمحسن الرحمه]

( مـــــــــــدخل )

أمانـه يالهـمـوم الـلـي سكنـتـي قلـبـي المـحـزون=أمــانــه روفــــي بـحـالــه أمــانـــه لا تـشـقـيـنـه
تـرا قلبـي ماهـو مسـرح علابـه شاعـر المليـون=ولاهـــو لـعـبـه ٍ يـلـعــب بــهــا طــفــل بـيـديـنـه
تـراه هـو مضغـه ٍ ينبـض يـوزع دمـه المخـزون=عـلـى جـسـم شـكـى الآهــات وضيـقـة عناويـنـه
علامـك يالهمـوم اللـي قهـرتـي قلـبـي المطـعـون=أبــــي مــنــك تسـلـيـنـه أبــــي مــنــك تـهـديـنــه
قليبـي صـار بـه مشهـد بطلهـا ماضـي المكـنـون=يـديــر اخـراجـهـا غـــم سـرابــه فـــي شـرايـنـه
ألا يـــا ونـــه فـيـنـي تـشـابـه ونـــة الـمـسـجـون=بـتـالـي الـلـيـل آهـاتــه يـجــره فــــي زنـازيـنــه
همـومـي أجـبـرت قلـبـي يـنـادي ليتـنـي مـدفـون=أودع مـاضـي ٍ قـاســي طـعـنـي فـــي سكاكـيـنـه
همومي أدهشت فكري مثل موسى دهش فرعون=بـيـوم الزيـنـة الـلـي مــا نـفـع سـاحـر براهـيـنـه

دنــيـــاك هـــــذي يـــــا ســعـــد مـــــا تــغــيــر=أرض بــهــا ســهــل وجــبــل مـــــع هـضــابــه
مـيــر الــبــلا مــــن نــــاس صــــارت تـحـيــر=أطـبـاعــهــم صــــــارت ســـــــوات الــذيــابـــه
نـــوبــــه يــجــونـــك مـــثــــل دابٍ صــغـــيـــر=أمــلـــس ويـخــفــي بـالـحــشــا ســــــم نـــابـــه
ونــوبـــه يــجــونــك يــــــا هـــلابـــك تــســيــر=مــــا هــــو كــريــمٍ بــــا الـمـصـالــح سـعــابــه
والــجـــار نــاســـي جــيــرتــه مــــــا يــســيــر=لاهــــــي ورا مـــالــــه يــحــســـب حــســابـــه
والـبــعــض عــايـــش فـــــي حـيــاتــه فــقــيــر=يـشــكــي عــلـــى الـمـعـبــود قـــلـــة زهـــابـــه
والـبــعــض مـنــهــم مــثـــل شـــيـــكٍ مــجــيــر=مــعـــروف فـــــي صــدقـــه وفـــــيّ ٍ جــنــابــه
والـبــعــض مــنــهــم مـــثـــل ريــــــمٍ مـــذيـــر=دمـــعـــه دوات الــحــبـــر حـــزنــــه كــتــابـــه
مــحـــتـــار بــالــدنــيــا وعــــجــــزٍ يـــغـــيـــر=حــالــه طــواهــا الــهـــم مـــــن شـــــدّ مــابـــه
لــــــه حـــنـــه بـالــلــيــل مـــثــــل الــحــويـــر=كـــفـــه عـــلـــى خــــــده زمـــانــــه غـــدابــــه
والـبـعــض مـنــهــم صـــــار دربـــــه مـحــيــر=ســـالـــك دروب الـــغـــي ضـــيّــــع شــبــابـــه
الـمـشـكـلــة يـــــــا نـــــــاس دايـــــــم يــعــيـــر=حــكــامــنــا هــــــــم درعــــنــــا والــمــهــابــه
والـبـعــض خــــده صـــــار مــثـــل الـصـغـيــر=يـلــبــس مـــــن الــمــوضــه وخــــــلا ثــيــابــه
وده يـــنــــافــــس بــالـــمـــلابـــس نـــــويــــــر=ويــكــون لــــه اســــم الــدلــع مــــع صـحــابــه
والـبـعــض مــــع حــظـــه صــراحـــة تـطــيــر=لا شــــــاف لــــــه بـــومـــه يـــزيـــد كــتــأبـــه
الله أكــــبـــــر يـــــــــا زمــــــــــانٍ تـــغـــيــــر=صـــــار الــقـــوي يــاكـــل حــقـــوق الـغــلابــه

( مخــــــــــــــرج )

يـاهــجــمــه ٍ قـــادهــــا هـــمــــي ومـــررهــــا=الـــغـــم هــــــو قـــادهـــا والـــرايـــه ألــغــاهــا
الــقــلــب لــــــه ونــــــه ٍ بـالـلــيــل حـــررهـــا=مــن شـدهـا صـحـت بـعــلا الـصــوت مـقـواهـا
مـــن دمـــع عـيـنـه يــخــط أبــيــات سـطـرهــا=تـــعـــزف ضــلــوعــه لـــحـــون لآه غــنــاهــا