السلام عليكم /
كيبوردية على عجل
لأن الوقت مافيه متسّع للشعر
لكن الموقف فرضها اجباري
واقبلوها مثل ماهي بحالتها
دمعي طفحّ الغترة
الصدر ضايق من الديرة وأهاليها = ماعاد أميز ظلام الليل من فجرة
أزريت من ونة ٍ في الجوف مخفيها = لاجيت أبا أكنهّا خانتني العبرة
مع الذي يوم جيت البيت أعزّيها = ما أخفيت أنا دمعي اللي طفحّ الغترة
أطلب عسى الله على هالحال يرضيها = ويجبرعزاها على اللي راح في قبره
الله يبيحه ، عدد ما هلّ ، هافيها = واعداد ما هل ّ مزن السيل من قطرة
ويجزاه ، جنة نعيم ٍ ، خالد ٍ فيها = ويبشرّه بالذي ، بشرّ ، به العشرة
الموت ، ما فيه نفس ، إلا موافيها = والحي ، لابد باكر ، ينتهي عمره
ما دايم ٍغير وجهه ، يوم يحييها = يوم ٍ تشاخص به الأبصار في سكرة
يوم ٍ به الناس ، تلهى ، عن ذراريها = وكل ٍ على قد فعله ، ينعطى قدرة
محمد بن عمار