أعزائي رواد هذا المنتدى الشامخ أضع بين أيديكم هذه الابيات لعلها تنال استحسانكم
الله على رزة العود وعلى السكبه=والله على هالحلا يالفاتن الطرقا
قلبي بعد ماتبينتي تحرك به=شيٍ من العام لاينزل ولا يرقا
مدري غرامٍ دخل فيه وتمسك به=وإلا اغلق الباب من لا جاوب الورقا
ولو أغلقه مايبي غيره يشارك به=يعجز عن إغلاق باب القبه الزرقا
خلٍ وجوده بقلبي عله ونكبه=استحوذ اللي مابين ضلوعي معرقا
والقلب ماهو شقق تمليك يملك به=القلب مفتوح للي بالهوى غرقا
قلبي نسك كل محبوب يتنسك به=هذا يحله وهذا يعلن الفرقا
نشمي حامد المويعزي