البارحه قزرت ليلي علي تل = اعوي عوي الذيب واقنب قنيبه
ضامي وانا واقف علي ضفة الشل=ياعناد من دنيا تراه عجيبه
ياشيب راس اللي من الوقت معتل=هم (ن) يودي به وهم(ن) يجيبه
ولاضاق صدره بالفيافي ترحل=عساه يلفا له مع الفي ذيبه
يشكي لها حزن(ن) علي قلبه اثقل=من وزن كل الراسيات الجديبه
ياصاحبي حزني من العام لول= جاثم علي صدري وانا مستريبه
يدك صدري مثل ما دكت البل= راس النقا من فوق هيلن تجيبه
ولا كما جمر(ن) علي حامي المل=يسعر علي قلبي وانا مكتويبه
يارب ترحم حالة اللي توسل= بك يامليك الكون بأنك تجيبه
ماخاب من عبد(ن) علي الله توكل= ولا خابت اقلوب(ن) من الله قريبه