بسم الله
السلام عليكم
قصيده رثاء في جدي عبدالله سليمان السلامة ..
الليل زاد ابليل والقلب شايل = حزن ٍ على حزنٍ وطاق ٍ على طاق
اشكي فراق الي له القلب مايل = وحر كبدي من متاهات الفْراق
من راح عبدالله ضلوعي هزايل = ضيق ونكد جمر و وقد دمع واخناق
اسكب عليه الدمع سكب الهمايل = محروم لذ النوم والغم تفاق
سبحان منشي بارق ٍ فالمخايل = الي خذا شيخ ٍ على الخير منساق
مرحوم ياراع الوفا والجزايل = ياكاسب الطولات في كل الاشناق
مرحوم يا ظل ٍ فرش فالقوايل = يابو فعول ٍ تامر المزن الاوداق
يانور ٍ اضفى في سماه المثايل = كنه شعاع الشمس في وضح الاشراق
اواه ياقلب ٍ تتله هوايل = تلة سيوف الموت من وسط الاعماق
الله يادنيا(ن) شطونه دبايل = دنيا التعاسه للأتاعيب دلاق
يالله يامبري جروح ٍ علايل = ياواحد ٍ يعلم مقابيل الاطراق
تسطي وكل الخلق يمك ذلايل = ماغيرك الي للسماوات خلاق
اطلبك ياربي تزيل الغلايل = في وسط كبد ٍ عالق الضيم حراق
وترحم فقيد الطيب جزل الخصايل= وتجعل جنان الخلد مثواه لا فاق